GABON KANTAK

GAUEKO IZAR

1.Gaueko izar argitsuena
piztutzeakin batera,
haurtxo eder bat etorri zaigu
gaur arratsean etxera.
Ordu ezkeroz etxeko danak
poztuta zoratzen gera,
haurra dalako zerutik honuntz
datorren Jainko berbera. (bis)

2.Alai ta pozik kanta dezagun
haurtxo honen etorrera,
gure iluna alaitutzeko
jaio dan argi ederra.
Gaurtik aurrera atzerri hontan
zorionekoak gera,
haurra dalako zerutik honuntz
datorren Jainko berbera. (bis)

Eta zuk, ba al dakizu birziklatzen?

Lur planetak baliabide ugari eskaintzen dizkigu, baina baliabide horiek amaitu ez daitezen, gure esku dago materialei bigarren aukera bat ematea, eta horretarako ezinbestekoa da ondo birziklatzea. Horretarako argi eta garbi azaldu dugu ontzi bakoitzean zer bota behar den.

Baietz orain asmatu?

Guk ura aurrezten dugu!

LH4.mailako ikasleak Izoriako araztegian egon dira eta bertan bakterioei buruzko informazio asko jasotzeaz gain, etxeetan dugun ura nola garbitzen den ikasi dute. Ez zenuten ba pentsatuko urtegiko ura zuzenean edango genuela, ezta?
Ikasitakoarekin ura aurrezteko zenbait gomendio erakutsiko dizkizuegu.

EGIPTORA GOAZ!

Lehen hezkuntzako hirugarren mailako ikasleek Abu Simbel Tenplua bisitatu dute. Ikasleek aukera bikaina izan dute antzinako Egiptoko kultura eta ohiturak ezagutzeko Bilboko Deusto Expo Center bisitatu dutenean. Bertan Hany Mostafa artista egiptoarraren lana ikusteko aukera izan dute. Egileak zortzi urte igaro ditu bere ametsak egi bihurtzen. Taldeari esan zion bezala, ametsak buruan geratzen direnean ametsak baino ez dira, baina errealitate bihurtzen direnean orduan betirako geratzen dira bihotzean.

Erakusketan Tutankhamonen sarkofagoa, Ramses II.aren eta Nefertariren fatxadak ikusteko aukera izan zuten eta hori guztia ordu beteko iraupena izan zuen bisitari esker eta Egiptoko bizimoduari buruz bitxikeria ugari kontatu zituzten gidariei esker.

Zuek ere antzinako Egipto hobeto ezagutu nahi baduzue ez galdu aukerarik eta bisita egitera anima zaitezte. Erakusketa Gabonak arte egongo da ikusgai.

MARAKAK

 
Materiala:
- Freskagarri lata
- Kartulina zuria marrazkiarekin
- Margoak
- Errotulkiak
- Koloretako zinta
- Arroza
- Puxikak
- Artaziak

Nola egin:
Hasteko, kartulina zuria margotu eta neurri egokian moztu. Ondoren, freskagarriaren lata kartulinarekin inguratu eta zintarekin itsasti. Jarraian arroza bota lataren zulotxotik eta kartulina zati batkin estali. Gero, puxika pare bat hartu eta bakoitza lataren oinarri batean jarri. Bukatzeko, puxikak eta kartulina zintaren bidez lotu eta maraka jotzeko prest egongo da.

GAU BELTZA

Kalabazak eta beldurrezko mozorroak gero eta ohikoagoak dira gure inguruko hiri eta herrietan urriaren 31 hurbildu ahala. Halloween (ingelesez All Hallows’ Eve edo Santu Guztien gaua) festa Estatu Batuarra eta arrotza dela diotenek agian ez dakite Euskal Herrian ere antzeko ohiturak egon zirela garai batean, Santu Guztien Egunaren bezperan. XX. mende arte berezko ohitura zen kuiak, patatak, erremolatxak edo arbiak hustu eta kandelak jartzea, baserrietan bildu eta gaztaina erreak jatea edo umeak eskean ibiltzea.

ZER DAGO JOKOAN?

Gabonak bukatu dira eta Olentzerok eta Errege Magoek opari asko ekarri dizkizuete ziur asko. Bada, opari horien artean bideojokoak aurkituko dira, baina ondo ezagutzen al duzue zer daukazuen eskuen artean?
Jarraian bideojokoen inguruan interesgarriak izan daitezkeen bi dokumentu txertatu ditut.



Bideojokoak

Videojuegos


Adi!

Helbideetan klik eginez pdf dokumentuak deskargen karpetan gordeko dira zuzenean.
Al hacer clic en el enlace se descargará un documento pdf en la carpeta descargas.